925 сынамды күмістен соғылған, салмағы 31,10 г, номиналы 1000 ₸ болатын естелік монета түркі мәдениетіндегі ең маңызды бейнелердің бірі — киелі арғымаққа арналған. Дәстүрлі түсінікте арғымақ тектілікпен, күш-қуатпен, еркін қозғалыспен және адамның қоршаған әлеммен ерекше байланысымен астасады. Көркемдік шешімі шынайы пластика мен сақ стиліне меңзейтін сәндік мәнердің үйлесіміне құрылған. Мұндай тәсіл жануардың сыртқы келбетін ғана емес, оның көшпелі дала тотемі ретіндегі символдық мәнін де жеткізуге мүмкіндік береді. Арғымақ бейнесі номадтық мәдениет үшін маңызды табиғат үйлесімі, рухани сабақтастық және көне дәстүрлерге құрмет туралы түсініктерді ашады.
